PLENOS GRABADOS - C@urel vivo

                                   C@urel vivo

Polo C@urel, con ARELA

DESTACAMOS:

PROPOSTA para a Creación dun Punto Limpo no Concello para a recollida de Residuos Voluminosos

 MOCION que presenta o grupo municipal de C@urel vivo – CV diante do Concello – Pleno de  Folgoso do Courel, presenta para a súa discusión e...

Buscar neste blog

PLENOS GRABADOS

Neste apartado, tratamos de que no concello o que se acorda e se decide sexa coñecido por todas/os. Están ordenados por data, dende o máis recente ó mais antigo. Tamén achegamos outras gravacións que poidan ser do voso interese



[Pleno ordinario 05 de Marzo 2022 ]

-Proposta para solicitar a mellora do Servizo do SAF . Como sempre votou NON a mellorar o Servizo, non quere mellorar a condición laboral das traballadoras (Minuto 26:43)

 

-Proposta para Solicitar á Xunta para que cumpra cos Gandeiros, que este ano quedaron sen cobrar parte dos gandeiros de Ecolóxico(Minuto 54:00)

- Rogo sobre a erradicación de Mimosas que rebrotan en zonas queimadas (Min 1.54:00)

- O tema da Residencia en período electoral ( anuncian novas reunións, instancias...) despois de 15-20 anos prometéndoa, non teñen vergoña de volvela sacar a menos de 3 meses das eleccións (Min 1:11:20)

-Aprobouse por unanimidade a solicitude urxente para o arranxo das estradas do Concello (Min 1:38 )

- Aprobase por unanimidade o coche sanitario. Desde CV pode ser un servizo útil para a nosa veciñanza, sempre que se use para casos que o precisen e non sexa politizado , como acostuma a facer este equipo de goberno (Min 22:20)

-Fixemos preguntas sobre o falta de información oficial no peche da estrada no Treito Ferreria- Seoane (anunciouse que se vai a pechar de día ), preguntas sobre o cableado da fibra óptica que leva máis de 6 meses tirada pola cuneta desde Quiroga a Seoane; preguntamos porque unha xornada de cogomelos e outra de apicultura , custa 6000€. Desde CV vemos moi necesario que se fagan cursos pero non que se malverse 6000€ en dúas xornadas (Desde o Min 1:44)

Enlace a escoitar o pleno:

https://drive.google.com/file/d/1iXZkxRT7RJQJf7e8Cqrn53vTGiQk2HVZ/view?usp=sharing

***************************




*******************************

[Pleno ordinario 29 de Decembro 2022 ]
-Proposta para solicitar ó Goberno Central que se incluia Lugo como provincia de rebaixas fiscais como se incluia a Teruel, Soria... Aprovado por unanimidade
-Proposta para solicitarlle á Xunta de Galicia que solucione os continuos colapsos da principal estrada do Concello - Proposta foi rexeitada polo PP
👂
Pleno enteiro desde :

**********************************************************

**********************************************************

[Pleno ordinario 4 Novembro 2022 - Solicitamos rebaixa catastral]

👂
Escoita o Resumo e Pleno enteiro desde :


https://drive.google.com/file/d/1cmKENuhglJR8fhc5zzxkX20ZSZ6k48j0/view?usp=share_link

**********************************************************

[Pleno ordinario 2 Setembro 2022 - + Medios e Prohibición de Piñeiros]

👉Tralos lumes non aprendemos nada, o Equipo de Goberno vota que non á proposta que pretendia Solicitar máis Brigadas estable no Concello de Folgoso do Courel -Turismo e máis puntos de auga. Hai intereses ocultos na distribución de Brigadas, por parte do Distrito VIII para deixar a Comarca sen ningunha de reforzo? Mentres que Pantón e Pobra suman 7 Brigadas de Reforzo de 6 meses, a nosa Comarca non ten ningunha.
🌲🌲Desde o PP votan non a Restrinxir as plantacións de piñeiros a 800m dos núcleos. Hoxe por hoxe segundo a lei, poderíase seguir plantando piñeiros a 50 metros das aldeas.
💸💸💸Sabiades que no que vai de ano sacaron dos aforros 1/3 do aforrado, máis de 300M€ e a menos de un ano das eleccións. Que raro , verdade? As necesidades non has había durante anos anteriores?? Dilapidaron no que vai de ano un terzo do millón de € que había aforrado, aínda que 𝐢𝐧𝐭𝐞𝐫𝐯𝐞𝐧𝐜𝐢ó𝐧 𝐟𝐢𝐱𝐨 𝐢𝐧𝐟𝐨𝐫𝐦𝐞 𝐜𝐨𝐧 𝐫𝐞𝐩𝐚𝐫𝐨 𝐝𝐞 𝐪𝐮𝐞 𝐞𝐬𝐨 𝐩𝐨ñí𝐚 𝐞𝐧 𝐫𝐢𝐬𝐜𝐨 𝐨 𝐨𝐫𝐳𝐚𝐦𝐞𝐧𝐭𝐨 𝐟𝐮𝐭𝐮𝐫𝐨 𝐝𝐨 𝐂𝐨𝐧𝐜𝐞𝐥𝐥𝐨 Concello de Folgoso do Courel -Turismo
🌳🌳Aprobouse unha proposta por unanimidade para solicitarlle a Xunta de Galicia máis axudas para recuperación de Soutos e plantación de novos (sen concretar actuacións), e non son capaces de ampliar as faixas municipais para especies pirófitas.
En Rogos e Preguntas, solicitamos:
🚧Desbroze de estradas municipais que aínda están sen desbrozar en Setembro.
💦Solicitamos que xa que van facer unha zanxa nos camiños para meter auga en Millares, se aproveite e se poña a tubeira para unha futura rede de sumidoiros.
👉Preparar as aldeas, afectadas polos lumes, das escorrentas das cinzas tralos lumes.
🚮Limpeza dos contedores máis a miúdo, xa que nalgúns casos cheiran.
💸💸💸 Rogamos que non se dilapidase máis en Megoxe, xa que os 400M€ non van chegar para facer o Chiringuito nin o aparcadoiro....Despilfarro total 😥.
🚜👷‍♂Tamen Rogamos que solicitasen a Pala+Conductor que a Deputación de Lugo pon a disposición dos concellos e non se solicita. Concellos como Samos solicítao e serve para ensanche de pistas forestais, labor moi necesario para a prevención. Non coñecían esa actuación e quedaron en solicitalo.
📃Desde CV imos revisar facturas como as de Programas Informáticos de 20.000€.
📝 Recordade que temos un Buzón anónimo onde nos podedes facer chegar máis inquedanzas e problemas , de maneira anónima: https://caurelvivo.blogspot.com/p/denuncia.html
👂Escoita o Resumo e Pleno enteiro desde : https://drive.google.com/.../1sbWPNCwRrL5cUpAn.../view...


[Pleno extraordinario Incendios] 🔥Hoxe tivemos un pleno extraordinario sobre o lume máis grande que asolou o noso Concello e o país; onde os tres Grupos presente no Concello votamos a favor de solicitarlle ó Goberno de España a declaración de “zona catastrófica”. 🤔Á @Deputación de Lugo demándaselle axudas concretas e á @Xunta (máxima responsable), so se lle pide “asesoramento técnico”. 👉Quixemos recalcar que dita declaración é un punto de partida, pero que deben chegar máis axudas. En dita proposta, o Equipo de Goberno sólo se lle solicita á Xunta “apoio técnico” cando foron os máximos incompetentes na organización e nula prevención, nula planificación de plantacións... Fixemos unha enmenda para solitarlle á Xunta a protección das ladeiras queimadas fronte ás vindeiras choivas, senón van erosionar máis o terreo , vindo as cinzas cara as aldeas e o río, e cun terreo de 13.000 hectáreas queimadas, compre que actúen de forma meditada pero rápida, consensuada con expertos da materia. Nunha segunda actuación deberían aprobar axudas o 100% para plantación de caducifoleas. Como recalcamos na proposta, iso sería un punto de partida , pero a @Xunta con competencias en montes, debería refacer eses cinturois protectores que evitaron que ardesen alomenos 8 aldeas. Se os propietarios dos terreos o desexan, deberíanse potenciar a creación de novos soutos protexendo as aldeas. 💰Solicitamos tamén as seguintes medidas concretas, que se suspendan os pagos de 2 ou 3 anos do IBI de inmobles e terreo afectado, así como as cotas a SS de autónomos e empresas. Medidas que se recollen na Lei 7/2015 como posibles para “zonas catastróficas”. Segundo dita lei, tamén son subvencionables “melloras en infraestruturas municipais”; sería moi interesante mellorar as traidas de auga de todas as aldeas que non teñan bocas de rego anti-incendios. Melloras nos pozos de extinción, creación de novos... 👉Tamén quixemos deixar claro que deberíase facer autocrítica, por 13 anos de goberno no que non se traballou na prevención. Fai menos dun ano , no @Concello de Folgoso do Courel gastáronse 8000€ nun plan de incendios de 170 páxinas que non usaba a palabra prevención e que non serviu para nada, nin vela por facer cumprir a lei de faixas das aldeas, se as pistas están intransitables, non é culpa de terceiros. O 10 de Novembro do pasado ano, concedéronse axudas para limpar cortalumes e mellorar pistas en Rede Natura. Polo que non cabe botar balóns fóra de que é culpa duns ou doutros e exculpando ós que están lexislando. 😡Fai un ano o @PP do Courel, botaba en contra de solicitar brigadas para o Courel e botou en contra de facer solicitar máis pozos de carga 👇(http://xornaldelemos.gal/sociedade/33276-courel-vivo-demanda-da-xunta-mellor-distribucion-de-brigadas-no-distrito-de-terra-de-lemos/). Polo que a responsabilidade non foi solo da Xunta. ⏳Agardemos que de eiquí en diante, a persoa que dice que non quere paseos con políticos ( 1 semana despois de pasearse polos lumes activos con @Alfonso Rueda), deixe de protexer ós irresponsables de Santiago e defenda o 100% os veciños do C@urel.
[Pleno ordinario 2022]
No pleno desta xornada(que poideredes escoitar integro no noso blog), solicitabamos :
🚧 Instamos á Deputación de Lugo a mellorar as estradas alternativas tras o derrube da estrada principal. As estradas alternativas precisan de melloras no firme e vallado. No pleno pedímoslle que se reunise coas empresas locais e hosteleiros que serán os grandes perxudicados economicamente do peche. Os hosteleiros xa están a sufrir cancelacións de reservas. A Sra Alcadesa díxonos que non se ía a reunir cos axentes locais, que non facía falta. Desde CV queremos recalcar que o Courel segue tendo todos os atractivos innatos para visitalo. Moita foto no lugar coa Xunta de Galicia dos feitos pero a veciñanza precisa solucións.
👩‍🔬🧑‍🔬🚌 A proposta que levamos a pleno de Coidados Porta a Porta, votaron en contra , aínda que esta previsto que se vaia implantar. Xestionado polo Concello e non polos Centros de Saúde que debería ser o lóxico. Agardemos que chegue a maior poboación posible...
👉Á proposta de que o concello combaterá as mimosas, por primeira vez, o equipo de goberno votou en contra pero aclarou que se contratará unha empresa privada para erradicalas.
🏨Sobre a pregunta da residencia de anciáns que leva 20 anos de retraso, molesta que preguntemos, e non hai avances.
🚜Trala compra dunha desprezadora de brazo e tractor novo, vólvense subcontratar os servizos de desbroze das estradas municipais. Claro exemplo de mala xestión no Folgoso do Courel.
⚖ O Concello tras perder un xuízo no contencioso onde lles obrigaba a contratar a empresa demandante, díxosenos que se volvería a licitar o servizo de asesoramento urbanísticos.
A estrada que nos une con Pedrafita do Cebreiro segue nunhas condición pésimas. Tramo que deberia ter rematado en decemebro e que a Deputación vai certificar sen quedar como reza no proxecto de obra. Rogámoslle ó Equipo de Goberno que reclamase .



Pleno Extraordinario Febreiro 2022

-Presupostos pouco participativos,  ata envian á prensa o resultado da votacion do pleno antes de celebrarse o pleno.

-Perdemos presupostos, en parte porque perdemos poboación ano tras ano.

- Rogamos que se actue con aglomerado todas as estradas que arranxe o Concello.

- A inversión real non sube do 20 % do presuposto total , o que non chega para revertir a grave situación do Courel.

- Prazas vacantes de funcionarios, mentras se ten subcontratado servizos como o da praza de Servicios Multiples , que lle dan 3000€ ó mes a unha empresa para cubrir unha praza. Alegan que non chegan os 3000€ ó Concello para contratar directamente, pero si lle chega á empresa para facelo.

Escoitar pleno en :  https://drive.google.com/file/d/1fH1ctjPvafe1TICso3d7_rJPlgMjBT6m/https://drive.google.com/file/d/1fH1ctjPvafe1TICso3d7_rJPlgMjBT6m/



Pleno Xaneiro 2022

Para escoitar o pleno gravado, preme no seguinte enlace:

https://drive.google.com/file/d/1wWbrRfdSx1RTFZyWsA4jKRC7z7LHnYoD/view?usp=sharing

Indice:

Minuto 2:00 - (5:19 a 8:09) CV sobre a Residencia.

Minuto 9:00 -  Renovación Convenio GES ata 2025.

Minuto 20:11 - Ampliacion Credito Megoxe. (Alcaldía di que xerará postos de traballo XDXD min 22:38 ) 

Minuto 24:27 -  Levavabano no programa - Demagoxía Turismo

Minuto 26- 36:31 Museo da Labranza - Museo da Castaña

Minuto 36:47 - 41  Arranxo de Fontes - Ceza e Sobredo ||

Minuto 40 - Piden axuda de feismo para arranxar fronte a Casa da Alcaldesa

Minuto 1:06:20 - RogosePreguntas - renunciaron a solicitar cursosdeSAF, axudas a dedo da Xunta, torretasVodafone, 

Minuto 1:11:37 - 1:16:43 reclamarEstradaPedrafita

Minuto 1:20:19 - 1:21 Transporte PosObrigatorio.

Minuto 1:21:05 - 1:22:30 Solicitamos axudas restaurar casas ata 80% (ARI)

Minuto 1;23 - Depuradora de Folgoso funciona mal.

**********************************************************

 Pleno Ordinario Setembro 2021

Resumo do pleno ordinario celebrado este venres, onde deixamos un audio resumo e o pleno completo ( onde se pode contrastar o que a continuación resumimos ):

  • O Equipo de Goberno vota en contra de solicitarlle á Xunta para @s moz@s que cursen estudos pos obrigatorios fóra. Desde CV mesmo calculamos de onde recortar para financiar ese servizo mentres a Xunta non o faga. Non queren nin solicitalo (minuto 7:00).
  • Sobre a regularidade dos plenos, non cumpren a lei nin se quere cumpren a regularidade que marca a Lei 5/1997, do 22 de xullo (minuto 21:50). 
  • Sobre a proposta do PP sobre o Lobo, desde CV fixemos unha enmenda porque non vemos normal que por loitas de siglas entre Madrid e Santiago, saian perxudicados os gandeiros, xa que  tralo anuncio da prohibición da caza, a Conselleria anunciou que deixaría de pagar os danos. Xa os pagaba tarde, e agora que anuncie que non os vai pagar(minuto 34.21 ).
  • Desde CV levamos unha Moción de Urxencia sobre a actuación da Confederación no rio Lor , na que entre outras cousas, teñen proxectado eliminar calzadas centenarias de pedra. Foi aprobado por unanimidade solicitar que ditas actuacións se centren en limpar arbores caídos, poda, refacer pontes en mal estado pero que non se tiren as calzadas de chapacuña. Agardemos que desde a CHMS o teñan en conta.( minuto 41 )
  • En rogos e preguntas tamén vemos como se perden axudas por non pedilas como Cursos de atención ós maiores. E respostannos que non a solicitaron porque “e difícil buscar 15 persoas co queiran realizar”. Desde CV vemos grave que por non pedilo, se perdan axudas tan importantes como estes cursos para SAF ou para persoal da futura Residencia... (minuto 1.22.42)
  • Resto de rogos e preguntas de CV (minuto 1:07:22)

https://drive.google.com/file/d/1l-I7Dufd79tiLwGUk0NZ5Aw7vl-IQVH2/view

**********************************************************

Pleno Ordinario Xuño 2021

Resumo do pleno ordinario celebrado este venres, onde deixamos un audio resumo e o pleno completo.
🔥 O partido do goberno, VOTOU EN CONTRA de solicitar máis medios de prevención e extinción de lumes, no Courel. Logo cando hai un lume, lamentámonos.
🚧 Non queren pedir en conxuntos, a mellora das estradas do Courel, sabendo que hai moitas en mal estado. Propuxemos mandar un escrito a deputación , os 3 grupos políticos. E o PP Do Caurel, dixo que non que reclamar por separado. A unidade en temas básicos da os seus froitos. Tras moitas reclamacións de colectivos e grupos politicos tumbouse a plan de transportes de toda Galicia, e fixeron outro mellor. Tras reclamacions particulares e de CV, polo médico de Seoane, logrouse botar….Nas estradas , sexan de quen sexan debemos esixir que as reparen ben e con aglomerado, pero o PP do Caurel….non está pola labor.
💸👉Desde O equipo de goberno, normalizase dar tódolos contratos , que lle permite a lei, a dedo . Non se miran varias ofertas …ó último dun control remoto para o museo das covas en 14866€ (se pasase os 15mil xa seria ilegal dalo a dedo)
👉- Subcontratanse servizos básicos, podendo facerse desde o concello, como alugar tractor e desbrozadora para a Roza de pistas(7200€), tendo un tractor novo. Alegan que está mal a desbrozadora, cando tiveron moitos meses para tela arranxada.
🎙Os plenos din que o concello non os pode gravar, porque para facelo ben hai que gastar. Segundo os gravamos desde CV desde fai 6 anos, sen ter medios, mellor o poderia gravar desde o Concello.

🎧Mellor que escoites a prepotencia coa que respostan e como deixan claro que soamente por levarnos a contraria , votan en contra da seguridade e dos intereses da nosa veciñanza.

https://drive.google.com/file/d/1sg8hAi9YteJsddXuCKv2s3Tzv0FLcSAv/view?usp=sharing

**********************************************************

Pleno Marzo Presupostos 2021

▶ No pleno extraordinario de aprobación de Presupostos do 2021. Desde CV abstivémonos por dous motivos esenciais:
1⃣ Porque seguen a facerse os presupostos, como fai décadas, sen transparencia nin participación da veciñanza.
2⃣ Pouca inversión real, xa que dos 1.549.567€, que solo se inverta o 15,91% en Inversións Reais, dificulta que se poidan mellorar servizos nin gañar poboación, que deberían ser dúas grandes prioridades do Equipo de Goberno.
➕ A maiores reclamamos que se está previsto unha suba do 0,9% para os traballadores do concello, se suba en maior contía ós do Servizo de Axuda no Fogar. Se prevén gastar 32085€ (2600€ ó mes ) en Carburantes , que se licite para que saia máis barato – polo que xa puxo reparo intervención - e non se lle dea a unha oferta soamente, como se fixo ata agora.
Propuxemos novamente que desde o concello se saquen axudas para Emerxencia Social para axudar ás persoas máis vulnerables do noso Concello. Unha boa maneira que consideremos desde CV, son vales para gastar no comercio local., a xente que o precise. Isto sesrviría a maiores para apoiar o comercio local. Aseguraron que este ano se sacaran 3000€ para iso. Agardemos que non quede solo nun titular, como o ano pasado no que non investiron nada para iso, pese que o anunciaron e desde CV doamos arredor de 1000€ para tal fin. Escoita todo o pleno desde:


***********************************************************

Pleno Decembro 2020 - Audio de Resumo+Pleno enteiro

A veciñanza, asociacións, empresarios e os grupos políticos unidos -  deuse un berro de repulsa ó Plan de Transporte Escolar que a Xunta de Galicia, deseñou para o noso Concello.  Unidade que tamén se viu reflectida no Pleno, á tarde. Xa que se presentaron 2 Propostas de Urxencia(Unha do PP e outra de C@urel VIVO e PSOE). A última delas,  ESIXINDOLLE á Consellería de Educación, Universidade e Formación Profesional que rectifique e  Modifique ou anule e se volva licitar a ZONA 27 de esta Contratación. Considerando o municipio de Folgoso do Courel como unha única zona e que se a Consellería non mostra sinais de rectificar. Desde o Concello, en coordinación cos transportistas actuais e antes de que aspire o prazo,  se faga a denuncia pertinente polas citadas vulneración de normativas e discriminacións.

No Pleno tamén se aprobou POR UNANIMIDADE solicitarlle a Unión Fenosa Distribuidora , que faga un informe sobre a falta de servicio eléctrico entre o 4 e o 6 de Decembro que deixou a escuras e sen calefacción a moita xente. PROPOSTA APROBADA POR UNANIMIDADE. Queremos recalcar desde CV que a unidade fai a forza e que ogallá se practicase máis a miúdo, en temas do ben común.

https://drive.google.com/file/d/1raNdUpM8YR9B7HNEEvgcV7VJtN-EHB7y/view?usp=sharing

**********************************************************

Pleno Setembro 2020 - Resumo 

Podelo escoitar pulsando en Pleno Gravado (ten paciencia, xa que e un arquivo grande e tarda en descargarse)


-Solicitase en Proposta que a Deputación de Lugo inicie o arranxo da Estrada LU -P-1303, despois de 15 anos de paralización. Pasando PP e PSOE pola Deputación, sen avanzar niso. Mesmo a Sra, Alcaldesa leva de deputada máis de 1 ano e non o levou a Pleno na Deputación. Asegurándonos en pleno que o levarían en breves – MINUTO 13:20

-Solicitase o inicio da Residencia, á Deputación, e igual  que coa estrada, aínda non o levaron a Pleno no órgano que lle compete facelo; na Deputación. Aínda que o prometeu nunha carta ós veciños, mesmo inaugurou a redacción do Proxecto nunha xornada en Folgoso...Moito ruído e poucas noces – MINUTO 25

-Sabes tamén que Xestionar as redes sociais ( facebook, instagram...) nos vai costar 8.532 € ó ano (711 ó mes), e podes escoitar como defenden esa medida. Prezo similar do que costou o "monólito" do Carbedo. Perdemos servizos , cada día e desde o Concello, están a externalizar servizos e malgastar fondos.

Mentres sacan axudas como a de Axudas a Emerxencia  Social  e que se quedan en PAPEL MOLLADO( non se beneficiou ningún veciño delas), (MINUTO 57) xa que nos confirman que ninguén as pediu e “claro”, desde  o Concello non lles da por axudar á xente que máis o necesita sen que vaian a pedilo. Para tal Fin desde  CV donouse 720€  para tal fin e parece que non se investiron, aínda. 


**********************************************************
Pleno ordinario de Xuño do 2020 . Onde se debate, entre otutras cousas, un Transporte útil e efectivo en tódalas aldeas. Non saíu adiante. Podese escoitar desde: https://drive.google.com/file/d/1t85A45eMqwK1ouOi0PdicRK1dgk-aCT0/view?usp=sharing

**********************************************************
Pleno extraodinario de Maio. Axudas reactivación económica
https://drive.google.com/file/d/1-5wBC-wvoe8id60Xo_JmCHr6mTiMe0q_/view?usp=sharing
***************************************************************
********************************************************************
Pleno extraordinario 17/2/2020. Presupostos 2020
***********************************************************

Contas 2018 --4/11/2019

Sabemos que 37000 se van en carburantes, incluíndo calefacción de Centro de Saude de Seoane(7000€/ano) e Casa do Concello. Camión do lixo (8000€/ano). Parécenos demasiado e pedimos que se solicitase convenios para caldeiras biodisel e termosolar A interventora di textualmente que : Os contratos menores (<40000 15000="" 19.000="" 2020="" 20="" 9="" a="" advirte="" agardemos="" ano="" campa="" canteira="" caso="" concello="" contas="" contratos="" cv="" d="" da="" de="" dialogo="" do="" duraci="" e="" en="" encadeados="" enlace="" escoitalo.="" ese="" estabilidade="" estas="" estatuto="" facer="" faga="" fagan="" gui="" hai="" href="https://drive.google.com/file/d/174HuOoeslx_dZMReca6kBdivmcQX4BuI/view?usp=sharing" indefinidos="" informe.="" informe="" ingresa="" integro="" iso="" licitaci="" lle="" marzo="" min.="" n.="" n="" ndose="" nin="" no="" non="" o="" obras="" obxecto="" ocorre="" os="" para="" partir="" pedimos="" poder="" pois="" por="" pr="" prazas="" preguntamos="" presentan="" psoepp="" pulsa="" que="" rroga.="" sabemos="" sacalos="" saquen="" se="" seguinte="" ser="" servicios="" superior="" tam="" ter="" traballadores.="" traballadores="" un="" vai="" vulnera=""> https://drive.google.com/file/d/174HuOoeslx_dZMReca6kBdivmcQX4BuI/view?usp=sharing
********************************************************************
Pleno Setembro 2019 ********************************************************************
Pleno Outubro(protexer marca courel, reclamar as pezas para o Courel,120m€ en area polideportiva en Sabane...). Pincha no seguinte enlace para ecoitalo:

https://drive.google.com/open?id=1VjZewlG2ecQVPPWhfA0Qp_PUeUqIu2Tg


*********************************************************************



Pleno extraordinario 05/outubro /2015:

Pleno 28/Agosto/2015:

Ningún comentario:

Publicar un comentario