MOCION que presenta o grupo municipal de C@urel vivo – CV diante do Concello –
Pleno de
Folgoso do Courel,
presenta para a súa discusión e aprobación, polo Pleno da Corporación Municipal
a seguinte PROPOSTA para a Melloras Urxentes en Prevención de incendios
forestais.
EXPOSICIÓN DE MOTIVOS
No noso concello, un
dos territorios máis singulares e vulnerables de Galicia, leva anos minguando
os servizos de preparación fronte incendios forestais, agravadas pola escaseza
de medios e pola falta de coordinación institucional. No ano 2022 ardeu preto
do 60% da superficie do termo municipal. Curiosamente, dende entón a
capacidade operativa diminuíu:
- En 2022 e en anos anteriores, formáronse
2 brigadas completas municipais con 13 persoas contratadas polo propio
concello: 8 peóns, 2 xefes de brigada e 3 condutores de motobomba.
- Nos anos 2024 e 2025, só se asignou 1
brigada e 1 condutor de motobomba municipal para todo o municipio.
Ademais, é
importante destacar que a Xunta de Galicia non dispón de ningunha brigada de
reforzo en toda a comarca do Courel (curiosamente a comarca con máis
monte), e mentas noutras zonas do mesmo
distrito forestal de Monforte de Lemos, teñen 7 brigadas de reforzo a 8 meses.
Feito que xa desde CV levamos a proposta fai anos para que se distribuísen
mellor.
Vemos con este feito
que a situación actual é de maior precariedade que antes do grande incendio de
2022. Ademais, existen deficiencias notorias:
- Moitos tanques de auga están
avariados ou perden, polo que non se poden empregar en caso de emerxencia.
Hai innumerables carrozos onde as motobombas podían cargar auga se tivesen
un tanque ou medio pozo, e desde o concello, podíse traballar niso. E
mesmo habilitar un segundo pozo con sobrantes da atraida para que se poida
ir cargar a él, nas aldeas que se poida.
- Varias aldeas non cumpren coa franxa
de seguranza de 50 metros, como marca a Lei 3/2007, o cal supón un risco
grande para as aldeas, se hai
incendios forestais.
- As pistas de titularidade forestal
non son repasados desde fai moito tempo. O cal algunhas non están
transitables, se hai que acudir con medios de extinción.
- As notificacións por incumprimentos
de xestión de biomasa están a ser enviadas en pleno mes de agosto,
coincidindo coa vaga de calor e cando se producen algúns incendios
iniciados precisamente por maquinaria desbrozadora.
- Os desbroces das estradas das
distintas administracións están a realizarse en Agosto, en vez de
anticiparse na primavera como medida preventiva.
- Os medios que a Xunta de Galicia ten no Courel para a
extinción son case nulos. Ten 3 persoas por sentencia xudicial . Cando se
xubilen , non quedará ningún Bombeiro forestal. E ten un so conductor
motobomba, facendo inoperativo o servizo cando non está en turno. O mesmo
ocurre coa Motobomba do Concello.
- Aínda que en algunhas aldeas xa hai
“bocas de rego”, en outras moitas non e as que teñen, hai moitas sen
mangueiras, o cal vólveas inoperativas.
É imprescindible actuar
con rigor, planificación e sentido común. O Concello ten competencias e obrigas
en materia de prevención e defensa contra incendios, segundo a Lei 3/2007 e o
PLADIGA, especialmente no relativo á xestión de biomasa, accesos, abastecemento
de auga e coordinación local.
Din exactamente: Lei 3/2007 de prevención de incendios forestais
de Galicia:
"Os concellos
deberán prever, no seu plan municipal de prevención e defensa, as
infraestruturas necesarias para garantir o acceso dos servizos de extinción."
E a Lei 7/1985 de Bases de Réxime Local:
"Corresponde
ao concello a conservación, mantemento e vixilancia das vías públicas
locais."
ACORDOS QUE DESDE CV SE
PROPOÑEN AO PLENO
- Revisión e actualización inmediata do
Plan Municipal de Prevención e Defensa contra Incendios Forestais, con
melloras practicas para estar máis preparados econ participación veciñal.
- Inventariado e clasificación de todas
as pistas forestais de titularidade municipal, para programar melloras,
limpeza e ensanches onde sexa necesario garantir o acceso de medios de
extinción.
- Informe técnico sobre o estado de
todos os tanques de auga do municipio, con proposta de reparacións ó
distrito ou á administración que corresponda e execución das mesmas antes
do verán de 2026. Ampliar os puntos de recarga de auga preto das aldeas.
- Solicitude formal á Xunta de Galicia
para:
- Recuperar o dispositivo humano de
2022 (2 brigadas + 3 condutores)
- Asignar, ademais, brigadas de
reforzo na comarca do Courel, ao igual que nas outras zonas do distrito.
- Subvencións para mellora de puntos
de auga e accesos estratéxicos.
- Establecer un calendario de
notificacións e desbroces preventivos que non coincidan cos meses de
máximo risco, evitando traballos con maquinaria en pleno agosto.
- Campaña informativa anual sobre
obrigas e boas prácticas en prevención de incendios, cun enfoque positivo
para a veciñanza. Pola seguridade de tod@s
- Actuar máis en colaboración coa
Xunta, Seaga ou outras entidades para a execución subsidiaria de franxas
de seguranza e a xestión sostible da biomasa. Estanse a facer poucas
actuacións con Seaga.
- Coordinación coa veciñanza e
voluntari@s para reforzar a vixilancia e o aproveitamento activo do monte.
E poñer a disposición deles o material de extinción que hai, como
batelumes e mangueiras para as “bocas de rego”
Folgoso
do Courel , a 29 de Agosto de 2025
Ningún comentario:
Publicar un comentario