Medidas concretas de C@UREL VIVO

Esta formación é nova e non ten vinculación con ningún partido convencional. Está formada por veciños/as que non están conformes coas políticas levadas a cabo no Courel nas derradeiras décadas de gobernos que non cren no futuro do noso Concello e que nos levaron ao desleixo. O resultado son políticas baseadas no “ir tirando” e obras que non serviron para frear o despoboamento nin para manter uns servizos básicos de calidade. TEMOS CLARO QUE SE OS DOUS PARTIDOS  NON TROUXERON OPORTUNIDADES PARA O Courel ANTES, NON O VAN FACER AGORA.

Pretendemos dotar ao Courel de servizos que permitan crear alternativas e oportunidades de cara un desenvolvemento socioeconómico sustentable. Queremos un COUREL VIVO e con FUTURO!

                                                               MEDIDAS CONCRETAS: 

• Rematar do acondicionamento e apertura do Centro de día- Residencia de Maiores de Folgoso, xerando así postos de traballo estables no concello e prestando un servizo moi necesario para os nosos maiores.

• Dotar de servizos  básicos a todos os pobos, modernizar as instalacións de abastecemento e implantar o saneamento pouco a pouco en todos os núcleos.

• Solicitar axudas de todo tipo que permitan realizar proxectos e que potencien o asentamento de poboación e a xeración de emprego. Non se poden perder subvencións por non pedilas ou por falta de vontade de facelo.

• Crear unha “brigada verde”, que se encargue de arranxar as pontes de madeira, rozar sendeiros  e camiños antigos e melloras medioambientais puntuais, creando postos de traballo na zona.

• Promover o asociacionismo e cooperativismo entre os gandeiros. Asesoramento técnico para modernizar as súas explotacións e facelas máis rendibles.

• Lograr unha marca de calidade dos produtos do Courel (IXP) que lle aseguren unha boa saída e un mellor prezo aos nosos produtos.

• Darlle uso a todos os locais públicos do Concello que están baleiros, ben como locais de asociacións activas ou como vivendas de aluguer para parellas e xente mozas que decida asentarse na zona. 

• Apertura dunha oficina de información turística durante todo o ano e realización de campañas de promoción da riqueza natural, paisaxística e cultural que posuímos, coa finalidade de atraer a turistas e mellorar a calidade dos servizos ofertados”. Tentar facer un convenio cos donos para  a apertura da Ferrería de Seoane, que permita visitalo a determinadas horas.

• Colgar os acordos e propostas dos plenos municipais na web do Concello, como exemplo de transparencia e para que a información estea dispoñible para todos os veciños/as.

• Débese limitar o salario do/a alcalde/esa a unha cantidade digna e sensata para o tamaño e orzamento do noso concello.

• Reunións cas veciñas e veciños do Courel  en cada parroquia, como máximo cada 6 meses, para ver inquedanzas e necesidades de cada zona. 

• Reunión anual cos mozos e mozas para incentivalos a emprender e afincarse no Courel. Abrir un “portal de suxerencias” onde os veciños e veciñas poidan facer propostas no Concello.  

• Crear un “banco de vivendas e terras”, facilitando os contactos entre os propietarios e a xente que queira instalarse no Concello”. 

• Solicitar Ciclos Formativos para O Courel naquelas áreas que pode xerarse máis emprego para o futuro (turismo, medio ambiente, agrogandeiría, dependencia,...)”. 

• Colaborar na realización de actividades extraescolares, de apoio e de lecer para os  nenos/as do Concello.

• Promocionar O Courel como zona para a realización de deportes ao aire libre, tales como espeleoloxía, sendeirismo, barranquismo, etc.

O máis importante para levar a cabo estas medidas é ter vontade, xa que o custe dalgunhas é 0 € e doutras é ter gañas de pelexar polo ben dos veciños/as.