PROPOSTA PARA SOLICITAR UN OBRADOIRO DE ATENCIÓN SOCIOSANITARIA NO COUREL

 

MOCIÓN PARA SOLICITAR UN OBRADOIRO DE ATENCIÓN SOCIOSANITARIA NO COUREL

Proposta presentada polo grupo municipal de C@urel Vivo (CV) ó Pleno do Concello de Folgoso do Courel para a súa discusión e aprobación.

---

EXPOSICIÓN DE MOTIVOS

O Concello de Folgoso do Courel enfróntase a unha situación de despoboamento e envellecemento poboacional que fai imprescindible reforzar os servizos sociais no territorio. A poboación maior de 80 anos supón unha porcentaxe significativa dos habitantes do Courel, moitos dos cales residen en aldeas dispersas con acceso limitado a servizos básicos.

Nos últimos anos, moitos usuarios con Graos de dependencia recoñecido viron como se lles reducían horas e mesmo se lles quitaba o servizo, por unha mala previsión  e planificación do servizo e desde o Concello.

Desde CV presentamos varias propostas para mellorar a situación do servicio e paliar

a falta de persoal, “mellorables” condicións laborais do SAF e falta dunha boa planificación desde o Concello, tamén afecta ó empeoramento de condicións laborais das traballadoras do SAF e non axuda a captar novas incorporacións.

Desde CV , vemos que noutros concellos que tiveron situación semellantes, lles funcionou solicitar obradoiros Duais de formación de ATENCIÓN SOCIOSANITARIA A PERSOAS NO DOMICILIO. Foi o caso de Concellos como Cualedro e Oímbra, Baiona e Nigrán, Coiros, Verín, Arteixo…etc

Beneficios que desde CV, cremos que ten a Creación do Obradoiro de Atención Socio-sanitaria

1.       Acceso á formación sen ter que saír do Courel: A veciñanza que queira obter a titulación en Atención Socio-sanitaria poderá facelo sen necesidade de desprazamentos longos, aforrando tempo e cartos.

2.       Atracción de alumnado doutros municipios: A posta en marcha deste obradoiro podería converter ao Courel nun punto de referencia para a formación en servizos sociais, traendo persoas interesadas en estudar e traballar na zona.

3.       Creación de emprego estable: Unha vez rematada a formación, moitos dos participantes poderían incorporarse ao servizo de axuda a domicilio ou a outros programas sociais, xerando postos de traballo no municipio.

4.       Mellora da calidade de vida das persoas maiores e dependentes: Ao contar con máis profesionais formados no propio concello, poderase garantir unha atención máis próxima, rápida e eficiente. Permitiría que moitos veciños e veciñas puidesen permanecer no seu fogar con máis seguridade e benestar.

 

Dado o envellecemento da poboación, a necesidade de reforzar os servizos sociais no rural e a oportunidade de crear emprego local, consideramos que é fundamental poñer en marcha un Obradoiro de Servizos Sociais no Courel.

Por todo o exposto anteriormente, desde o grupo municipal de C@urel Vivo solicitamos:

1.       Que o Concello de Folgoso do Courel (se quere , xunto a outros concellos ) presente para o ano a- Subvención a obradoiros duales de emprego a Obradoiro de SSCS0108/ ATENCIÓN SOCIOSANITARIA A PERSOAS NO DOMICILIO.

2.       Que paralelamente se busquen activamente liñas de financiamento a través de fondos europeos, autonómicos e provinciais para garantir a viabilidade do Servizos Sociais no Courel.

3.     Que tras unha edición deste Obradoiro, se contemple solicitar SSCS0208/ ATENCIÓN SOCIOSANITARIA A PERSOAS DEPENDENTES EN INSTITUCIÓNS SOCIAIS para a formación de persoal para a futura Residencia. Que sen dubida, tanto necesitamos no Courel.

 

 

Folgoso do Courel , a  12 de Febreiro de 2025