Tras vir a Xunta sacar a foto, a herba está podrecendo na cuneta

Tralos grandes lumes do 2022, anunciáronse axudas millonarias para o Courel, tanto desde o Goberno Central como desde a Xunta de Galicia. Visitáronnos Conselleiros, Delegados, Presidentes; usando o Courel para promocionarse e dando unha falsa imaxe de apoio neses momentos tan dificiles.

Ardeu o 60% do Concello e 10 meses despois a realidade é que poucas foron as axudas que chegaron, só algunha migalla para afectados directos en vivendas. Pero, e os afectados no turismo, apicultura, gandeira, autónomos e donos das terras? O único que recibiron foron doacións de particulares.

Este mesmo ano anunciouse a reforestación de zonas por parte da Xunta que é a que ten as competencias en Montes. A realidade é que de momento o único que se prantou foi de forma altruísta por parte da veciñanza e voluntarios, con doacións de castiñeiros e froiteiras.

Estamos case un ano máis tarde do desastre e podemos ver como a meirande parte da herba que a Xunta usou para sacar a foto, podrece nas cunetas.

Desde C@urel Vivo, vemos como unha vez máis se malgasta diñeiro público e preguntámonos: A que intereses responden as Administracións? Ós intereses xerais ou os duns poucos?